Livan urushga kirishmoqchi emas, lekin bu borada Hizbullohdan hali hech qanday kafolat olmagan. Bu haqda Livan bosh vaziri Najib Mikati Livan telekanallaridan birida ma`lum qildi.
Livan bosh vaziri Livan uchun asosiy narsa ishonch va barqarorlikni saqlash ekanini ta`kidladi.
"Biroq, vaziyat doimiy ravishda o`zgarib borayotgani bois, voqealar rivoji bo`yicha men ikki tomondan ham kafolat olmadim", dedi Mikati.
Livan Bosh vaziri Isroil Hizbullohga qarshi provokasion hujumlarini to`xtatishi kerakligini ta`kidladi. "Chunki Livan urushga kirishni istamaydi", dedi u.
Isroil-Falastin mojarosining kuchayishi fonida Isroil-Livan chegarasida murakkab vaziyat yuzaga keldi.
So`nggi paytlarda bu hudud Isroil armiyasi va Livan Hizbullohi o`rtasidagi o`zaro hujumlar sahnasiga aylandi.
7 oktyabr kuni ertalab XAMASning harbiy qanoti Izzad-Din al-Qassam brigadalari Isroilga qarshi Al-Aqso to`foni operasiyasi boshlanganini e`lon qildi. G`azo sektoridan Isroil tomon minglab raketalar otildi, qurolli guruhlar Isroil aholi punktlariga kirdi.
Xamasning aytishicha, operasiya bosib olingan Sharqiy Quddusdagi Al-Aqso masjidiga bostirib kirishi va isroillik muhojirlarning falastinliklarga nisbatan zo`ravonligi kuchayib borayotganiga javoban amalga oshirilgan.
Bunga javoban Isroil armiyasi G`azo sektorida HAMASga qarshi o`nlab qiruvchi samolyotlardan foydalangan holda “Temir qilichlar” operasiyasi boshlanganini e`lon qildi.
Isroil-Falastin mojarosi avj olgandan beri 2200 dan ortiq falastinlik va 1300 isroillik halok bo`ldi.
Shuningdek, Isroil G`azo sektoriga suv va elektr ta`minotini to`sib qo`ygan va bu 2007 yildan beri blokadada bo`lgan mintaqadagi turmush sharoitini yanada yomonlashtirgan.
