2016 yil 15 oktyabr kuni Toshkent shahrida O`zbekiston “Adolat” sosial-demokratik partiyasining VIII Qurultoyi bo`lib o`tdi. Unda jami 195 nafar delegat ishtirok etdi.
Qurultoyda O`zbekiston “Adolat” SDPning O`zbekiston Respublikasi Prezidentligiga nomzodi va uning saylovoldi dasturi to`g`risidagi masalalar ko`rib chiqildi.
Qurultoyda joriy yil 17 sentyabr kuni bo`lib o`tgan “Adolat” SDP Siyosiy Kengashining VI Plenumi qaroriga muvofiq partiya Siyosiy Kengashi raisi, partiyaning Oliy Majlis Qonunchilik palatasidagi fraksiyasi rahbari Narimon Majitovich Umarovning nomzodi O`zbekiston Respublikasi Prezidentligiga nomzod sifatida ko`rsatildi.
