O`zbekiston Turkmaniston bilan to`laqonli erkin savdo rejimi tarafdori, deb xabar beradi “Orient” (Turkmaniston).
Bu haqda Ashxobodda bo`lib o`tgan Turkmaniston—O`zbekiston hukumatlararo hamkorlik komissiyasining yig`ilishida so`zga chiqqan O`zbekiston bosh vaziri o`rinbosari Jamshid Xo`jaevning so`zlariga tayanib xabar berilgan.
“To`liq huquqli erkin savdo rejimini joriy etish, Shovot—Toshhovuz chegara savdo zonasi faoliyatini yo`lga qo`yish va kelajakda ikkinchi shunday hududni yaratish bo`yicha harakatlarni muvofiqlashtirish muhim”, — deydi Xo`jaev.
2022 yilda ikki davlat o`rtasidagi umumiy tovar ayirboshlash hajmi milliard dollarga yaqinlashdi.
“Bu yaxshi natija, ammo bizning barcha imkoniyatlarimizni aks ettirmaydi”, — deya qo`shimcha qildi u.
O`zbekistonning Xorazm viloyati va Turkmanistonning Toshhovuz viloyati chegarasida chegara erkin savdo zonasi qurilishi O`zbekiston prezidenti Shavkat Mirziyoevning 2022 yil oktyabr oyida Turkmanistonga tashrifi chog`ida boshlangan edi.
Loyiha doirasida zamonaviy infratuzilma, jumladan, savdo pavilonlari, omborxonalar, konteyner maydonchalari va tadbirkorlar uchun ish o`rinlari yaratish rejalashtirilgan.
