Moldova poytaxti Kishinyov shahrida huquq-tartibot idoralari O`zbekiston va AQShda xalqaro qidiruvga berilgan o`zbekistonlik erkakni qo`lga oldi. Bu haqda mamlakat polisiyasi matbuot xizmati xabar berdi.
Gumonlanuvchi xalqaro ekstremistik tashkilotlarning yuqori martabali a`zosi ekani taxmin qilinmoqda. U terrorchilik jinoyatlarini sodir etishda ayblangan.
Erkak ilgari ham Moldova hududida qasddan odam o`ldirishga suiqasd qilish jinoyatini sodir etganlikda ayblanib, jazo muddatini o`tagan.
Ayni damda huquq-tartibot idoralari xodimlari erkakni hibsga olib, O`zbekistonga ekstradisiya qilish masalasini ko`rib chiqmoqda.
