2022 yilda vazirlikka aholidan jami 87 288 ta murojaat kelib tushgan. Bu haqda sog`liqni saqlash vaziri Amrillo Inoyatov gapirdi. Uning so`zlariga ko`ra:
— O`tgan 2022 yilda vazirlikka aholi murojaatlari soni 2021 yilga nisbatan 3 barobar kamayib, 14 mingtani tashkil qildi.
Bu ijobiy holat. Lekin, hududiy boshqarmalar, bevosita muassasalarning o`ziga kelayotgan murojaatlar soni ortgan.
Xususan, tizimdagi tashkilotlarga 2022 yil davomida jismoniy va yuridik shaxslardan jami 87 288 ta murojaat kelib tushgan bo`lib, bu o`tgan 2021 yilning mos davriga nisbatan (78 754 ta) 11 foizga ortgan.
Eng yuqori o`sish ko`rsatkichlari:
- Namangan viloyati 7739 ta (5471 ta) — 41 foiz,
- Jizzax viloyati 5262 ta (4165 ta) — 26 foiz,
- Surxondaryo viloyati 9154 ta (7402 ta) — 24 foiz.
