Samarqand viloyatidan o`tuvchi M-39 avtomagistralidagi Cho`pan-Ota massivida xalqaro avtovokzal barpo etiladi. Bu haqda "Sputnik O`zbekiston" xabar berdi.
Ma`lum qilinishicha, qurilish 2023 yilda boshlanadi. Unda engil va yuk avtomobillariga xizmat ko`rsatish shoxobchalari, umumiy ovqatlanish shoxobchalari, tibbiyot punkti va Duty free do`koni ochiladi.
Shuningdek, avtovokzal shahar jamoat transporti, shaharlararo avtobuslarga xizmat ko`rsatadi. U Qozog`iston, Qirg`iziston va Afg`onistondan xalqaro yo`nalishlarni bog`lashi mumkin.
