“Barselona” gollandiyalik darvozabonni xarid qildi

Gollandiya terma jamoasi va “Ayaks” darvozaboni Yasper Sillessen rasman “Barselona” futbolchisiga aylandi. Bu haqda klub rasmiy saytida xabar qilindi.

Kataloniyaliklar 27 yoshli posbon bilan 5 yillik shartnoma imzolagan. Transfer qiymati 14 million evroga teng bo`lgani aytilmoqda.

Yasper Sillessenning tovon puli 60 million evro qilib belgilandi.