Yaponiyaning “Epsilon” raketasi oxirgi bosqichni ajratishdagi nosozlik tufayli mo`ljallangan orbitaga chiqa olmadi va bortdagi sakkizta sun`iy yo`ldosh bilan birga masofadan yo`q qilindi. Bu haqda Yaponiya Aerokosmik tadqiqotlar agentligi xabar berdi, deya ma`lum qilmoqda Zamon.uz' sayti.
Ta`kidlanishicha, nosozlik raketa ishga tushirilgandan 7 daqiqa o`tib qayd etilgan.
"Ayni paytda muhandislar uning yuzaga kelish sabablarini izlamoqda", — deyiladi xabarda.
Agentlik rejasiga ko`ra, raketa orbitaga 7 ta innovasion texnologiyani sinovdan o`tkazish uchun ishlatilishi kerak bo`lgan 110 kg og`irlikdagi RAISE-3 sun`iy yo`ldoshini va besh kubat (o`ta kichik sun`iy yo`ldosh)ni olib chiqishi kerak edi.
