2022 yil 1 oktyabrdan Samarqand xalqaro aeroportida “Ochiq osmon” rejimi joriy etiladi. Bu haqda Transport vazirligi xabar berdi.
“Ochiq osmon” rejimi Samarqand xalqaro aeroportining texnik imkoniyatlarini inobatga olgan holda xalqaro huquq me`yorlariga muvofiq xorijiy aviakompaniyalar uchun reyslar va yo`nalishlar bo`yicha cheklovlarning bekor qilinishini anglatadi.
Endilikda xorijiy aviakompaniyalar havo qatnovi to`g`risidagi hukumatlararo bitimning mavjud yoki mavjud emasligidan qat`iy nazar Samarqand xalqaro aeroportiga aviaqatnovlarni amalga oshira oladi.
Vazirlik Samarqand xalqaro aeroportida yangi tartibning joriy etilganligi to`g`risida chet el aviasiya ma`muriyatlari xabardor etilganini ma`lui qilgan.
