21 yanvar kuni Madaniyat va sport ishlari vazirligi markaziy apparatida 2016 yilda madaniyat va sport sohalarida olib borilayotgan ishlarni yanada takomillashtirishga bag`ishlangan yig`ilish o`tkazildi. Bu haqda vazirlik rasmiy saytida xabar berildi.
Yig`ilish davomida ishtirokchilariga Madaniyat va sport ishlari vazirligining Kadrlar boshqarmasi boshlig`i lavozimiga mazkur boshqarma boshlig`i o`rinbosari vazifasida ishlab kelayotgan Yunusov Mirjamol Mirjalilovich;
Ishlar boshqarmasi boshlig`i lavozimiga Karimov Avazjon Qudratillaevich;
Xalqaro aloqalarni rivojlantirish boshqarmasi boshlig`i lavozimiga shu kunga qadar mazkur boshqarmada boshliq o`rinbosari bo`lib ishlab kelayotgan Akbarov Shohruh Dilshatovich;
Kadrlar boshqarmasi boshlig`i o`rinbosari lavozimiga Xalxodjaev Jasur Baxtiyarovich tayinlanganligi to`g`risidagi buyruqlari tanishtirildi.
