2015 yilda Toshkentda turar-joylarning narxi 13 foizga arzonlashdi, deb xabar beradi “Uz24.uz”.
G`ishtli uylar narxi o`rtacha 10 foiz, panelli uylar esa 13 foizga arzonladi. O`tgan yil dekabr oyining o`zida narxlar 3 foizga pasaydi.
Bir, ikki va uch xonali uylarning narxi arzonlashayotgan bir vaqtda to`rt xonali uylarning bahosi aksincha, ko`tarildi.
Qayd etilishicha, yil so`nggida poytaxtning markaziy hududida joylashgan uylarning bahosi tushgan bo`lsa, chekkaroq hududlardagi turar-joylarning narxlari qimmatlashdi.
Yaqin oylar ichida narxlarning o`zgarib turishi davom etadi. Taxmin qilinayotgan narxlar dinamikasi 1-2 foizni tashkil qiladi.
