Вазн тоифасидан қатъий назар дунёнинг энг кучли боксчилари – филиппинлик Мэнни Пакьяо ҳамда америкалик Флойд Мейвезер ўртасида ўтказилиши кутилаётган жанг юзасидан шартнома имзоланди. Бу ҳақда olamsport.com нашри хабар беради.
ESPN канали тарқатган хабарда Пакьяо шартномага қўл қўйгани айтилган. Мейвезер томонидан қўйилган кўплаб шартлар акс этган шартномага Мэнни рози бўлгани тўғрисида аввалроқ маълум қилинганди. Энди Флойднинг ўзи имзо қўйиши лозим.
Табиийки, Мейвезерга баҳона қилиш учун бошқа баҳона қолмагани аниқ. Ушбу жанг 2 май куни АҚШнинг Лас-Вегасда ўтиши кутилмоқда.
