Жорий ҳафта якунида бокс оламида энг кучли спортчилар рингга чиқмаса-да, бир қатор жангларни алоҳида эътироф этиб ўтса бўлади. Айнан ушбу маълумотлар olamsport.com нашри томонидан келтириб ўтилди.
30 январь, жума
АҚШда маҳаллий боксчи Карл Дарган ва канадалик Тони Луис енгил вазнда рейтинг жангида рингга тушишади. Ушбу боксчилар ҳозирча яхши натижаларга эришиб келишмоқда. Жангда Дарганнинг имконияти юқорироқ баҳоланяпти.
АҚШ, Машантакет, "Фоксвуд Казино Резорт"
Енгил вазн рейтинг жанги
Карл Дарган [17-0-0, 9"> - Тони Луис [18-2-0, 7">
31 январь, шанба
Сиднейда эса янги зеландиялик икки боксчи Билл Уильямс ва Чонси Велливер ўзаро жанг қилади. Супероғир вазнда Уильямс янги иқтидорлардан бири сифатида айтилмоқда. Велливер профи рингда 70 жангда иштирок этиб улгурган.
Австралия, Сидней, "Олфоунс Арена"
Супероғир вазн рейтинг жанги
Сонни Билл Уильямс [6-0-0, 3"> - Чонси Велливер [55-10-5, 22">
Польшанинг Торун шаҳрида оғир вазнда польшалик Кшиштоф Гловацкий албаниялик Нури Сеферига қарши рингга тушади. Гловацкий 23 жангнинг барчасида ғалаба қозонган. Унинг оғир вазндаги келажаги ижобий баҳоланяпти.
Польша, Торунь
Оғир вазн рейтинг жанги
Кшиштоф Гловацкий [23-0-0, 15"> - Нури Сефери [36-6-0, 20">
Лондонда енгил вазн WBC Silve вакант титули учун британиялик Кевин Митчелл мексикалик Даниэль Эстрадага қарши рингга чиқади. Боксчилар ҳозирча яхши натижаларга эришиб келишган. Ғолиб чиққан боксчи кейинчалик чемпионлик жангида қатнашиш имкониятига эга бўлади.
Буюк Британия, Лондон, "О2 Арена"
Енгил вазн WBC Silver чемпионлик жанги
Кевин Митчелл [38-2-0, 28"> - Даниэль Эстрада [32-3-1, 24">
