“Телепортация” ҳаракатини амалга оширган ит YouTube видеохизматининг янги юлдузига айланди. У иштирокидаги 30 сониялик ролик 2015 йилнинг 8 январь куни видеохизматда чоп этилган эди. Ҳозирги вақтга қадар бу ролик 1,2 млн мартадан кўпроқ марта кўрилган. Ролик муаллифлари роликда “Махфий материаллар” фильмидаги мусиқадан фойдаланишган.
Роликда ноқонуний автопойгалар вақтида “сирли ит” йўлнинг ўртасида ўз-ўзидан пайдо бўлиб, ўтиб кетган машина остидан чиқиб келгани ва йўл четига югуриб ўтиб кетгани тасвирланган, деб ёзади kun.uz “The Daily Mirror” нашрига асосланиб.
Газетанинг хабар беришича, бу видео томошабинлардан бирининг қўл телефонига ёзиб қолинган.
Нашрнинг таъкидлашича, бу ролик интернетда ўтган ой Жанубий Америкада Чилида бўлиб ўтадиган ноқонуний автопойгалар ҳақидаги маълумотлар ёритилаётган пайтда пайдо бўлган. Ролик Жанубий Америка ва Европада жуда оммалашиб кетди.
Фойдаланувчиларнинг фикрича, бу итга шунчаки омад кулиб боққан ёки гап қандайдир ақл бовар қилмас ҳодиса ҳақида кетяпти.
