Франко-швецариялик режиссер Жан-Люк Годарнинг “Хайр, нутқ” драмаси Америка кинотанқидчилар жамияти (National Society of Film Critics) версиясига кўра 2014 йилнинг энг яхши фильми деб топилди, дея хабар берилмоқда жамият сайтида.
84 ёшли Годарнинг фильми 3D кўринишида суратга олинган бўлиб, турмушга чиққан аёл, ёлғиз эркак ва ит ҳақида ҳикоя қилади.
Жамиятга кўра, йилнинг энг яхши актери дея “Уильям Тернер” фильмида рол ижро этган Тимоти Спола эътироф этилди. Энг яхши актриса деб эса Марион Котийяр топилди.
Йил режиссери Ричард Линклейтер топилган бўлса, энг яхши сценарий муаллифи Уэс Андерсон бўлди.
Иккинчи пландаги энг яхши эркак ва аёл ролларида Жонатан Кимбл ва Патрисия Аркет ғолиб деб эълон қилинди.
