Жанубий Кореянинг Hyundai компанияси 2018 йилнинг охирига қадар Ўзбекистон ёқилғи-энергетика секторида умумий қиймати 8 миллиард долларга тенг лойиҳаларни амалга оширади, дея хабар бермоқда РИА Новости Hyundai Engineering&Construction президенти Юнг Су-Хунга (Jung Soo-Hyung) таянган ҳолда.
"Компанияда халқаро танлов якунларига кўра имзоланган жиддий шартномалар бор. Улар ҳамкорлар билан биргаликда кейинги уч-тўрт йилда амалга оширилади”, - дейди Юнг Су-Хун. Унинг сўзларига кўра, компания Ўзбекистонда ўтказиладиган соҳага оид янги тендерларда иштирок этади ва уларда ғолиб чиқишни кўзламоқда.
