Миржалол Қосимов бош мураббийлигидаги Ўзбекистон миллий терма жамоаси 24 ноябрь куни Тошкентда ўзининг навбатдаги йиғинини бошлади.
29 ноябрь кунигача давом этадиган мазкур ўқув-машғулот йиғинига миллий терма жамоа бош мураббийи жами 23 нафар футболчини таклиф этган. Терма жамоанинг илк машғулоти бугун ЖАР стадионида соат 16:00да бошланади.
Эслатиб ўтамиз, Ўзбекистон миллий терма жамоаси ўзининг сўнгги йиғинини октябрь ойида Дубай шаҳрида ўтказган эди. Дубайдаги йиғин давомида Миржалол Қосимов шогирдлари Қатар (0:3), Баҳрайн (0:0) ва БАА (4:0) терма жамоаларига қарши ўртоқлик учрашувларида майдонга тушишган.
Маълумот ўрнида, Тошкентдаги йиғин якунига етгач Ўзбекистон миллий терма жамоаси ОК-2015 финал босқичига тайёргарликни давом эттириш учун 1 декабрь куни БААнинг Дубай шаҳрига учиб кетади.
