Италиялик Винченцо Кантиелло Мальтада бўлиб ўтган болалар ўртасидаги “Евровидение-2014” танловида ўзининг “Tu primo grande amore” қўшиғи билан ғолибига айланди, дея хабар бермоқда РИА Новости.
Танловнинг финал босқичида 16 давлат вакиллари куч синашишди: Украина, Россия, Беларусия, Грузия, Мальта, Болгария, Кипр, Италия, Армения, Хорватия, Сан-Марино, Черногория, Нидерландия, Сербия, Словения ва Швеция.
Винченцо Кантиелло Неаполдан унчалик узоқ бўлмаган кичкинагина Сант-Априно шаҳрида 2000 йили 25 августда дунёга келган. Винченцо Италиядаги бир нечта машҳур қўшиқлар танловида ғолиб чиққан, бироқ унинг фаолиятида бурилиш мамлакатдаги энг оммавий болалар шоуси Ti lascio una Canzoneдаги иштироки бўлди.
