АҚШда музли қаср барпо этилди

АҚШнинг Нью-Ҳэмпшир штатида музли қаср барпо этилди, дея маълум қилмоқда Лайф.ру нашри.

Штатнинг шимолий ҳудудида табиий шароитда музлаган тепалик кўнгилочар масканга айлантирилди. Бир гуруҳ ҳайкалтарошлар қор ва муз бўлакларига ишлов бериб шу ҳолатга келтиришган. Ҳозирда бу ерга чанада сайр қилиш, музли чолғу асбобларида мусиқа тинглаш учун кўплаб меҳмонлар келишмоқда.