Камолиддин Беҳзод номидаги Миллий рассомлик дизайн институтига Япониянинг Аичи санъат университети профессори, таниқли япон санъатшуноси Коджи Шибадзаки бошчилигидаги бир гуруҳ делегация ташриф буюрди.
Ташрифдан кўзланган асосий мақсад – қадимий ўзбек қоғози тарихи ва ишлаб чиқариш технологияси билан боғлиқ тадқиқотни амалга ошириш, қадимги ўзбек қоғози билан жаҳон хамжамиятини таништириш лойиҳасини биргаликда амалга ошириш масалаларини муҳокама қилишдир.
Профессор Коджи Шибадзаки Ўзбекистонда сақланаётган қадимий қоғозларнинг таркибини Япониянинг энг замонавий электрон микроскопларида ва бошқа илмий технологик асбоблар ёрдамида таҳлил қилиш, таркибини ўрганиш, унинг хитой қадимий қоғозларидан фарқли хусусиятлари ва тайёрлаш технологияларини тадқиқ этиш лойиҳасини таклиф этмоқда.
