Amnesty International халқаро нодавлат ташкилоти Венесуэла хавфсизлик кучларини бир қатор жиноятларда айбламоқда, деб хабар қилди Корееспондент.ру нашри.
Инсон ҳуқуқларини ҳимоя қилиш ва виждон эркинлигини таъминлашга қаратилган мазкур ташкилот Венесуэладаги вазият юзасидан тадқиқот олиб борди. Унга кўра, хавфсизлик кучлари президент Николас Мадурога қарши ўтказилган намойишлар вақтида одамларни қийноққа солган ва 40 дан ортиқ инсонинг ўлимига сабаб бўлган. Ташкилот ҳисоботида қайд этилишича, хавфсизлик кучлари 900 га яқин одамларни ноқонуний қамоққа солган. Тадқиқотнинг кейинги босқичи якунига етгач, у кенг жамоатчилик эътиборига тақдим этилиши ваъда қилинмоқда.
