Қозоғистон Республикаси Президенти Нурсултон Назарбоев мамлакат ҳукуматини истеъфога чиқарибди. Бугун Президентнинг расмий сайтида Нурсултон Назарбоевнинг халққа видео мурожаати эълон қилинди.
Унда ҳозирги ҳукумат аҳолининг реал даромадини оширишда, иқтисодий ривожланишда, иш ўринлари яратишда ва бошқа кўплаб жиҳатларда ишончни оқлай олмаётгани таъкидланган.
«Бундай вазиятда, мен, Президент ҳамда Конституция Кафолати сифатида, халқимизнинг манфаатларини инобатга олган ҳолда, қуйидаги қарорни қабул қиламан. Ҳукумат истеъфога чиқиши керак, деб ҳисоблайман», - дейилади давлат раҳбари баёнотида.
Бош вазир ўрнига вақтинча ҳозирда Бош вазир биринчи ўринбосари бўлиб ишлаб келаётган Аскар Узакпаевич Мамин тайинланган.
