Кеча, 19 февраль куни Самарқанд вилоятининг Қўшработ туманида яшовчи В.Ж. ИИБга мурожаат қилиб, шу йил 17 февраль куни ўзининг “Нексия” русумли автомашинасини “Афсона” номли дўкон олдига ҳайдаб келиб, ўзи дўконга кириб кетган вақтида автомашинада бўлган қариндоши, муқаддам судланган А.И. автомашинани унинг рухсатисиз ҳайдаб кетганлигини маълум қилган.
Кўрилган чоралар натижасида 19 февраль куни А.И. автомашинани Пайариқ тумани Ингичка қишлоғи ҳудудида бошқариб юрган вақтида қўлга олинган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар беришича, мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
