“Пекин – Москва” маршрути учун Хитойда махсус янги суперпоезд қурилмоқда.
Уни қуриш билан China South Locomotive & Rolling Stock Corporation Limited компанияси шуғулланмоқда. Ижтимоий тармоқларда тарқалган фотоларни ҳам ушбу компания тақдим этган. Поезд дизайни Австралиянинг Fordyno корхонаси томонидан ишлаб чиқилган.
Янги экспрессларда люкс, бизнес ва эконом-класс каби махсус вагонлар бўлади. Барча қулайликларга эга поездларда йўловчилар 7000 километрлик тахминан 32 соатлик йўлни босиб ўтади. Магистралнинг Хитой ҳудудидан ўтувчи 3200 километрлик қисми қуриб битказилган, Россия ҳудудидан ўтувчи қисми эса лойиҳалаштириш жараёнида.
“Пекин – Москва” тезюрар магистралининг Россия ҳудудидан ўтувчи биринчи қисми Екатеринбург ва Челябинск шаҳарлари оралиғидан ўтади. Унинг қурилишига 500 миллиард рубль сарфланади, икки шаҳар оралиғидаги масофа атиги 70 дақиқада босиб ўтилади.
