Япониянинг автомобиль ишлаб чиқарувчи Honda компанияси Буюк Британиядаги заводини ёпишни режалаштирмоқда, дея хабар қилди Репорт нашри.
Мазкур заводда 3500 ишчи хизмат қилади. Агар маълумот тасдиқланса, ходимларнинг барчаси ишсиз қолиши мумкин. Таҳлилчилар эса бу ҳолатни Brexit атрофидаги ноаниқлик туфайли рўй бераётганини таъкидлашмоқда. Илгарироқ эса компания Бирлашган қиролликнинг Евроиттифоқ таркибидан келишувсиз чиқиши сабабли корхона фаолияти вақтинчалик тўхтатилишини хабар қилган эди.
