27 октябр куни Австралиянинг Сидней шаҳрида Транс-Тинч океани Битимини тузиш бўйича 12 та аъзо-давлатларнинг савдо вазирлари иштирокидаги уч кунлик йиғилиш ниҳоясига етди.
Музокаралар давомида интеграциялашган иттифоқ якуний шаклга эга бўлаётганидан дарак берувчи сезиларли илгарилашга эришилди. Бу ҳақида учрашув якунлари бўйича вазирларнинг қўшма баёнотида келтирилган.
Транс-Тинч океани шериклиги Битимига аъзо давлатлар вазирларининг навбатдаги учрашуви 10-11 ноябр кунлари Пекин шаҳрида бўлиб ўтадиган Осиё-Тинч океани иқтисодий ҳамкорлиги форумининг майдонида ўтказилади.
Транс-Тинч океани шериклиги таркибига Австралия, Бруней, Канада, Чили, Малайзия, Мексика, Янги Зеландия, Перу, Сингапур, АҚШ ва Ветнам киради.
