Замбия президенти Майкл Чилуфья Сата Британия пойтахтида оламдан кўз юмди. Бу ҳақда Рейтер агентлиги хабар бермоқда.
Давлат раҳбари Лондонда 21 октябрдан бери даволанаётган эди. Шу билан бирга 77 ёшли президентнинг соғлиғида қандай муаммо бўлганлиги ҳақида маълумот берилмаган.
Африка ҳукумати ҳозирча бу хабарга изоҳ бергани йўқ.
Аввалроқ, мамлакат раҳбарининг маъмури берган маълумотига кўра, Сата республиканинг биринчи хоними Кристин Касеба ҳамроҳлигида тиббий текширувлар ўтказиш учун хорижга чиққан.
Ўтган ойда ўзини ёмон ҳис қилгани учун президент Нью-Йоркда бўлиб ўтган БМТ Бош ассамблеясининг 69-сессиясида чиқиш қила олмаган эди. Унинг меҳмонхонадаги номерига АҚШ тиббий хизмат ходимлари чақирилиб, уни касалхонага текширув ўтказиш учун олиб кетишган.
Уч ой давомида жамоатчилик олдида кўриниш бермаган Сата бир ҳафта олдин Лусакада парламент сессиясини очиб берганди.
Майкл Чилуфья Сата давлат раҳбарлиги вазифасини 2011 йилнинг сентябр ойида бошлаганди. Замбияда кейинги сайловлар 2016 йилда ўтказилиши режалаштирилган бўлиб, бироқ фавқулодда вазият сабаб 90 кун ичида бўлиб ўтади.
