Биринчи ишлаб чиқарилган компьютерлар партиясига оид Apple-1 Нью-Йоркда ўтказилган Bonhams аукционида 905 минг долларга сотилди, дея хабар бермоқда Reuters агентлиги.
Ушбу ноёб қурилма 1976 йилнинг ёзида Apple асосчиси Стив Возняк томонидан Стив Жобс оиласига тегишли гаражда йиғилган 50 компьютерларидан бири ҳисобланади.
Компьютер ишчи ҳолатда сотилган. Аукцион ташкилотчилари қурилманинг 300-500 минг долларга сотилишини тахмин қилишганди, бироқ нарх жуда кўтарилиб кетди. Ҳозирча харидорнинг кимлиги айтилмаяпти.
