Абдулазиз Комилов Германияда музокаралар олиб боради

Ўзбекистон ташқи ишлар вазири Абдулазиз Комилов 14-15 октябрь кунлари Германияга сафар қилади.

ТИВ маълумотида айтилишича, сафар доирасида Абдулазиз Комилов Германия ташқи ишлар вазири Франк Валтер  Штайнмайер ва бошқа расмийлар билан учрашувлар ўтказади.

Учрашувларда Ўзбекистон - Германия алоқаларининг ҳозирги аҳволи ва ўзаро муносабатларни ривожлантириш масалалари муҳокама қилинади.