12 сентябр куни Москва шаҳри, Гашека кўчасидаги 6 уй олдида автомобиль ичида танасининг бир неча жойига ўқ отилган 44 ёшли эркак ва 59 ёшли аёлнинг мурдалари топилди. Бу ҳақда lifenews.ru нашри хабар беради.
Маълумотларга кўра, вафот этган аёлнинг мамлакатнинг машҳур юлдузлари Филипп Киркоров, Евгений Плюшенко, Кристина Орбакайтеларнинг адвокати Татьяна Акимцева экани аниқланган. Машинадаги иккинчи мурда эса адвокатнинг ҳайдовчиси экани маълум бўлди. Қотиллик содир этган шахснинг ким экани аниқланмаган. Мазкур иш юзасидан жиноят иши қўзғатилган.
