Кеча маҳаллий вақт билан таҳминан соат 23:00 ларда Шимолий вокзал яқинида Нексия русумли автомобил пиёдани уриб юборган. Бу ҳақда uz24.uz нашри хабар беради.
Гувоҳларнинг фикрларига қараганда, аёл пиёдалар ўтиши мумкин бўлмаган жойдан кўчанинг нариги бетига ўтаётган бўлган. Тўқнашув натижасида Нексия автомобили устунга урилган, олинган жароҳат туфайли эса аёл воқеа жойида вафот этган.
Эслатиб ўтамиз, бундан бир ҳафта олдин Шимолий вокзал яқинида яна бир йўл транспорт ҳодисаси юз берганди. Ушбу ЙТҲда мотоцикл ҳайдовчиси халок бўлганди.
