Ҳар бир машқ 6-8 мартадан бажарилади. Машқни бошлашдан аввал танани ҳаракатга келтириб, жисмоний фаолликни тиклаб олинг. Енгил ҳаракатлар билан танага зўриқиш бермай шуғуллансангиз, оёқдаги вена қон томирларининг варикоз кенгайиши безовта қилмайди.
- Қорин билан ётган ҳолатда, оёқ тиззасини букинг. Сўнг навбат билан юқорига кўтаринг.
- Биринчи машқдаги ҳолатда қолинг. Оёқ тиззасини навбат билан аввал ўнг, сўнг чап тарафга ҳаракатлантиринг.
- Куракка ётган ҳолатда оёқларни юқорига кўтариб-тушириш машқини бажаринг.
- Оёқларни юқорига текис кўтариб, галма-галдан велосипед машқини бажаринг.
- Ётган ҳолатда гавдани текис тутиб, оёқ учига чўзилишга ҳаракат қилинг.
- Тиззанинг орқа қисмини ушланг. Аввал ўнг оёқ мушагини, сўнг чап тарафини ҳаракатлантиринг.
- Текис ётган ҳолатда оёқни юқорига баланд кўтаришга уриниб кўринг.
- Ёнбошлаган ҳолатда оёқ тиззасини букинг ва навбат билаг олдинга, сўнг орқага ҳаракатлантиринг.
