— Эшитишимча, ўрта ёшли эркакларда суяклар мўртлашиши кузатилар экан. Бунинг олдини олиш учун кальций препаратларини қабул қилиш мумкинми? Кальций миқдорини аниқлашга доир қандай таҳлиллар бор?
Баҳром Усмонов, Сурхондарё вилояти
Сунатилла ЙЎЛЧИЕВ, спорт-шифокори:
— Ҳар қандай макро ва микро элементлар тегишли қон таҳлилидан сўнг буюрилади. Ҳеч бири мустақил, шифокор кўригисиз қабул қилинмаслиги лозим. Микро элементлар орасида антоганизм ва синергизм мавжуд, масалан, кальций кўп миқдорда организмга кирса, магний элементи камаяди. Натрий микроэлементи керагидан ортиб кетса, калий элементи чиқиб кетади.
Қон таҳлилида кальций миқдори меъёрдан камайгани ва пешоб суюқлигидан кўп ажралиб чиқаётгани аниқлансагина, ушбу модда мужассамланган препаратлар тавсия этилади.
Сизга маслаҳатим, яшаш ҳудудингиз бўйича поликлиникага мурожаат қилиб, терапевт кўригидан ўтинг. Зарур ҳолларда тор доирадаги мутахассисларга йўналтирилиб, кальций миқдорини аниқлашга доир қон таҳлили буюрилади.
