Дубайда дунёнинг энг баланд биноларидан бири бўлган, 79 қаватли The Torch осмонўпар биноси ёнди, деб хабар берди Ria.ru нашри.
Нашрнинг хабар беришича, бинонинг тўққизинчи қаватида ёнғин чиқиб, юқори қаватларга тарқалган. Гувоҳлар суратга тушириб, ижтимоий тармоқларга жойлаштирган видеолардан бинонинг юқори қисмига ўрмалаётган оловни кўриш мумкин.
Бино 2015 йилда ҳам катта ёнғин қурбонига айланган эди. The Torch’нинг баландлиги 348 метр бўлиб, дунёда энг баланд бинолар рўйхатидаги бешинчи ўринда туради. The Torch Дубайнинг хорижликларнинг элита қатламига мансуб аҳоли истиқомат қилувчи қисмида қад ростлаган. Бинонинг 50 қаватидан чиққан ёнғин кучли шамол оқибатида ўн қават юқорига кўтарилди. Нафақат оловни ўчириш, балки эриб кетган ойналардан оқаётган томчиларни тўхтатиш, бино вайроналарини тозалашга тўғри келди.
Мазкур бинода яшовчи одамлар эвакуация қилинди.
