Балконга чекиш учун чиққан туркиялик аёл деворда илинган қуролнинг бехосдан отилиши оқибатида яраланди, деб хабар берди Tengrinews.kz нашри.
Воқеа Туркиянинг Селжуқли шаҳрида рўй берди. Икки фарзанднинг онаси бўлган Эсра Даг чекиш учун балконга чиққан. Деворда осиғлиқ турган ов милтиғи ерга тушиб, тасодифан ундан узилган ўқ аёлнинг бўйнига теккан. Шовқинни эшитиб, чиққан қўшнилар қонга ботиб ётган аёлни кўришган ва тез ёрдамга қўнғироқ қилишган. Айни пайтда аёл оғир аҳволда касалхонага ётқизилди. Полиция ноқонуний сақланган ов қуролини мусодара қилди. Тергов ишлаи олиб борилмоқда.
