Туркия президенти Ражаб Тойип Эрдўған Рамазон ҳайит намози вақтида ҳушидан кетди, деб хабар берди Tengrinews.kz нашри.
Дастлабки маълумотларга кўра, Туркия президенти Аташеҳир шаҳридаги Мимари Синан мачитида Рамазон ҳайити намози вақтида ҳушидан кетган. Уни ёнида намоз ўқиётган одамлар тутиб қолган. Телеканал берган маълумотга кўра, Эрдўғаннинг қонида қанд миқдори ошиб кетган. Шифокорлар унга воқеа жойида биринчи тиббий ёрдам кўрсатгандан кейин Эрдўған ўзига келган.
