Тошкент шаҳрининг Чилонзор туманида 2 нафар аёл бегона уйга ўғирликка тушиб, уйдан катта миқдордаги пул маблағларини ва қимматбаҳо тақинчоқларни ўғирлашди.
Тергов давомида аниқланишича, ўғрилар эшик қулфини калит танлаш йўли орқали очиб кириб, у ердан умумий қиймати 17.000.000 сўмлик заргарлик буюмлари ва шу хонадонда меҳмонда бўлган Навоийлик фуқарога тегишли ичида 2.000.000 сўм пули ва 11.000 АҚШ доллари бўлган сумкасини ўғирлаб кетишган.
Ўзбекистон Республикаси ИИВ матбуот хизмати хабарига кўра, ушбу иш юзасидан Ўзбекистон Республикаси Жиноят Кодексининг 169-моддаси 2-қисми билан жиноят иши қўзғатилган. Тергов ҳаракатлари давом эттирилмоқда.
