Қозоғистоннинг Актау шаҳри шифокорлари бемор йигитнинг ошқозонидан иккита қошиқ дастасини олди, деб хабар берди Tengrinews.kz нашри.
Ҳар бир қошиқ дастасининг узунлиги етти-саккиз сантиметрни ташкил этади. 27 ёшли бемор йигит врачларга ўз жонига қасд қилмоқчи бўлганлигини маълум қилди. Мазкур қошиқ дасталари катта бўлгани боис оғиз орқали олишнинг иложи бўлмагач, операция қилишга тўғри келди. Лапроскопик усул билан учта тешик очиш орқали йигитнинг ошқозонидаги бегона жисм олиб ташланди. У эртасигаёқ оёққа турди.
