Мексиканинг Оахака штатидаги Сан-Лукас шаҳрида яшовчи фермер ширакайф ҳолда ўзининг чўчқаси билан жанг қилиб, ҳалок бўлди, деб ёзди Lenta.ru нашри.
60 ёшли фермер — Мигел Аная Пабло (Miguel Anaya Pablo) уйига маст ҳолда келиб, чўчқаларидан бирига ташланди. Ўзини ҳимоя қилган чўчқа эгасини қулатиб, қорнини ва ўнг қўлининг уч бармоғини тишлаб олди. Фермер қўшни Сан-Хуан-Баутиста-Тустепек шаҳридаги касалхонага ётқизилди. Шифокорлар унга тиббий ёрдам кўрсатганига қарамай, чўчқа тишлаши натижасида тушган инфекция туфайли орадан бир неча кун ўтгач, Мигель Аная Пабло оламдан ўтди. Фермернинг ўлими юзасидан қўшимча экспертиза тайинланди.
