Хитойда болалар боғчаси ёнидаги портлаш оқибатида 9 киши ҳалок бўлди, 60 киши яраланди, деб хабар берди Ntv.ru нашри.
Хитойнинг Цзянсу вилоятидаги Фэнсянь шаҳридаги болалар боғчаси ота-оналар фарзандларини олиб кетадиган пайтда портлади. Портлаш вақтида болалар боғча биносидан чиқаётган эди.
Ижтимоий тармоқларда воқеа жойи акс этган суратлар пайдо бўлди, уларда аёллар ва болаларни кўриш мумкин. Баъзи ярадорларнинг аҳволи ўта оғир даражада, деб баҳоланмоқда.
Фожиа сабаблари ўрганилмоқда, газ чиқиши оқибатида портлаш рўй берган, деган тахмин илгари сурилди.
