Ўзбекистон миллий терма жамоасининг ЖЧ–2018 турнирига саралаш босқичидаги рақиби –Жанубий Корея бош мураббийи Ули Штилике истеъфога чиқарилди.
Германиялик мутахассис қарийб 3 йиллик фаолиятдан сўнг Жанубий Корея терма жамоасини тарк этди. Жанубий Корея термаси ЖЧ–2018 саралаш босқичи “А” гуруҳи 8-турида сафарда Қатар термасидан 2:3 ҳисобида енгилди. Айнан мана шу ўйиндан кейин мураббийни ўз лавозимидан озод қилишга қарор қилинди.
Жанубий Корея термаси ЖЧ–2018 саралаш босқичи “A” гуруҳи 8-туридан кейин 13 очко билан иккинчи ўринда бормоқда. Ўзбекистон 12 очко билан учинчи ўрида бормоқда.
Қайд этиш керакки, Ўзбекистон термаси саралаш босқичининг сўнгги – 10-турида Жанубий Кореяни Тошкентда қабул қилади.
