Америкалик пенсионер тасодифан қиймати 15 млн доллар бўлган санъат асарининг эгасига айланди.
Аризона штатининг Скотсдейл шаҳрида яшовчи фуқаро кўчишга ҳозирлик кўраётган чоғида гараждаги ахлат уюмлар ичидан сурат топиб олди. Кейинчалик экспертлар бу рассом Жексон Поллокнинг йўқолган асари эканлигини аниқлашди.
Топилма жойига аукцион уйларидан бирининг эгаси Жош Левин етиб келди. Даставвал у топилмани бор йўғи 300 долларга баҳолади, аммо батафсил таҳлилдан сўнг суратнинг қиймати минг марта катталиги аниқланди.
Санъат асарини тиклашга икки ҳафта ва 50 минг доллар сарфланади.
Реставрациядан сўнг сурат 20 июнь куни бўлиб ўтадиган аукцион савдосига қўйилади. Унинг дастлабки баҳоси 5 миллион доллар, аммо Левин унинг сўнгги баҳоси 10 дан 15 миллионгача бўлишини кутмоқда.
