Ижтимоий тармоқларда Приморья ўлкасидан бўлган ўсмир боланинг лайк учун канализация коллекторини портлатгани акс этган видеоролик полиция ходимларининг эътиборини тортди, деб хабар берди Ntv.ru нашри.
Видеода ўсмир бола канализация қудуғига ёнилғи солинган шишани ирғитгани ва портлаш юз бергани акс этган. Кучли портлаш оқибатида нафақат коммуникация, балки йўл қатлами ҳам ишдан чиққан. Видеоролик қаҳрамони эса мўъжиза туфайли тирик қолганини ўзи ҳам англамаган. Яқин кунларда у ўзининг мазкур ҳаракатлари учун полиция ходимлари олдида жавоб беради. Бола ижтимоий тармоқларга жойлаштирган видеороликнинг тагига кўпроқ “лайк” тўплаш, ижтмоий тармоқ фойдаланувчиларининг эътиборини тортиш учун канализация қудуғини портлатганлиги ҳақида изоҳ қолдирган.
