Украина миллий антикоррупция бюроси (НАБУ) Киев мэри Виталий Кличкога нисбатан жиноят иши қўзғатди, деб хабар берди Ntv.ru нашри.
У кўчмас мулкини яшириб, электрон декларацияда кўрсатмаганликда айбламоқда. “Коррупцияга қарши курашиш маркази” жамоатчилик ташкилоти фаолларининг ҳуқуқ-тартибот идорасига қилган мурожаатидан кейин Виталий Кличкога нисбатан тергов ишлари бошланди. Мазкур ташкилот фаоллари 2016 йилдан бери Виталий Кличкога нисбатан жиноий иш қўзғатишни талаб қилиб келган эди. Кейинчалик “Коррупцияга қарши курашиш маркази” жамоатчилик ташкилоти ҳуқуқшунослари Бюронинг уларни мурожаатини кўриб чиқмаётганликда айблаб, судга даъво аризаси киритишган эди. Суд ҳам уларнинг даъво аризасига рад жавобини берганди. Улар Киев шаҳар Апелляцион судига мурожаат қилгандан кейин Украина миллий антикоррупция бюроси (НАБУ) Виталий Кличкога нисбатан жиноят иши қўзғатди. Украина қонунларига биноан мол-мулк ҳақида нотўғри ахборот берган одам жиноий жавобгарликка тортилади. Виталий Кличко ҳам жаримага тортилиб, икки йилгача қамоқ жазосига ҳукм қилиниши мумкин.
