Жорий йилнинг 14-24 июнь кунлари Кипрнинг тарихий Пафос шаҳрида 12-Кипр халқаро кинофестивали (CYIFF) ўтказилади.
Аҳамиятли томони шундаки, мазкур кинофестивалнинг асосий дастуридан Ўзбекистонлик ёш кинорежиссёр Муҳлиса Азизова томонидан суратга олинган ва яқиндагина 70-Канн халқаро кинофестивалининг Қисқа метражли фильмлар бурчагида намойиш этилган “У” фильми ҳам ўрин олган.
Кинофестивалда турли мамлакатларнинг ёш киноижодкорлари томонидан яратилган 100га яқин тўлиқ ва қисқа метражли бадиий фильмлари иштирок этиб, фестивалнинг бош соврини – “Олтин Афродита” (Golden Aphrodite) учун курашади.
Маълумот учун: Кипр халқаро кинофестивали 2006 йилдан буён ўтказилиб келинаётган бўлиб, жаҳондаги 5500дан ортиқ фестиваллар орасида йирик 100таликка киради.
