Turkiya Prezidenti Toyib Erdo`g`an Turkiya havo kengliklariga bostirib kirgan har bir samolyot xuddi Su-24 kabi urib tushirilishini ma`lum qildi, deb xabar beradi “Lenta.ru”.
“Agar bugun bizning havo chegaralarimizni kimdir shu tarifa buzsa, biz yana xuddi shunday javob qaytaramiz”, — dedi mamlakat Prezidenti
Shuningdek, u Rossiya samolyoti harbiylar tomonidan qabul qilingan tegishli instruksiyalarga muvofiq “avtomatik reaksiya” natijasida urib tushirilganini ta`kidladi.
“Bu hodisa bizni juda ranjitdi. Shuningdek, holatga nisbatan Rossiya hukumati tomonidan mavzuga oid bo`lmagan munosabat va reaksiyalardan xafamiz”, — dedi Erdo`g`an
Shuningdek, Turkiya Prezidenti hukumat tomonidan aynan Rossiyaga yomonlik qilish rejalashtirilmaganini aytib o`tdi. “O`shanda raketaning qaysi mamlakatga tegishli ekanligi noaniq edi”, — dedi u. Prezident gap orasida Moskvani “Islom davlati” bilan emas, balki ma`lum oppozisiya bilan kurashayotganlikda aybladi.
Eslatib o`tamiz, Rossiyaning Su-24 samolyoti Turkiya harbiylari tomonidan 24 noyabr kuni urib tushirilgan edi. Turkiya hukumati samolyot mamlakat havo chegarasini buzib kirganligini va harbiylar ekipajni o`n marta ogohlantirganini, Rossiya hukumati esa samolyot Suriya havo kengliklarida urib tushirilganini ta`kidlamoqda.
