Ijtimoiy tarmoqlarda tarqalgan ko`chadagi niqobli odamlar va “Diqqat, koronavirus!” lavhali “Tez tibbiy yordam” avtomashinasi fotosuratlari hamda Qashqadaryoda koronavirus tarqalganligi haqidagi xabarlar yuzasidan viloyat sog`liqni saqlash boshqarmasi quyidagilarni ma`lum qiladi.
2020 yil 29 fevral kuni Koson tumani tibbiyot birlashmasi, viloyat sanitariya-epidemiologiya osoyishtalik markazi hamda viloyat favqulodda vaziyatlar boshqarmasi hamkorligida taktik o`quv mashg`uloti o`tkazilgan. Ijtimoiy tarmoqlarda tarqalgan fotosuratlar mana shu mashg`ulotlar vaqtida olingan.
Fuqarolardan asoslanmagan, mutasaddi tashkilotlar tomonidan tasdiqlanmagan ma`lumotlarga ishonmasliklarini so`raymiz.
