Sog`liqni saqlash vazirligi O`zbekiston aholisiga yangi koronavirus yuqishining olidini olish uchun bir qator eslatmalar berdi. Xususan, bolalarni ushbu virus yuqishidan asrash bo`yicha alohida eslatma berilmoqda. Unga ko`ra:
- Spirtli vositalar yordamida bolalar qo`lini sinflarda dezinfeksiya qilish uchun zarur shart-sharoitlar yaratish va majburiy tartibini joriy qiling.
- O`quvchilarga qo`llarni sovun bilan astoydil va tez-tez yuvish, spirtli dezinfeksiyalovchi vositalardan foydalanish, ovqatlanishdan oldin hamda hojatxonadan keyin qo`llarni yuvish, dars va tanaffus paytida spirtli nam salfetkalarda artish zarurligi haqida eslatib turing.
- Bolalarga yuzlarini qo`l bilan ko`p ushlamaslikni tavsiya eting.
- Bolalar yo`talganida, aksirganida og`iz bilan burunga dastro`mol yoki salfetkani tuting. Undan keyin dastro`mol yoki salfetkani darhol axlatga tashlang va qo`lni yuving.
- Bolalarga shamollash yoki gripp alomatlariga ega odamlar bilan muloqot yoki yaqin aloqa qilishdan chekinishni ayting (yaqin aloqa deganda bemor bilan ikki metr doirasigacha turish).
- Bolalarda ilk kasallik alomatlari kuzatilganda, uyda qolish va darhol shifokorga murojaat qilishni tavsiya qiling.
- Maktab o`quvchilaridan birontasi kasallansa, darhol uni izolyasiya qiling, kasallanish haqida ota-onasiga xabar bering va tez tibbiy yordam chaqiring.
- Bolalarga doim og`iz va burun uchun mo`ljallangan tibbiy niqoblaridan foydalanishni hamda yashash uylari va sinf xonalarini toza havo bilan shamollatishni tavsiya eting.
Ovqat tayyorlayotganda maktabning tegishli xodimlari quyidagi ehtiyot choralariga amal qilishi shart:
- Xom go`sht va pishirilgan mahsulotlar uchun alohida pichoq va chopish taxtalarini ishlating;
- Pishirilgan mahsulotlar bilan muomala qilishdan oldin xom mahsulotlarni, ayniqsa, go`sht va sut mahsulotlarini, ushlagandan keyin qo`llarni astoydil yuving;
- Go`sht mahsulotlarini ovqatga ishlatish sharti shuki, ular yaxshilab qaynatilgan yoki qovurilgan, ya`ni puxta pishirilgan bo`lishi kerak;
- Kasal hayvon yoki kasallik oqibatida o`lgan hayvon go`shtini aslo ovqatga ishlatmang;
- Kelib chiqishi hayvonlarga mansub mahsulotlarning xom yoki chala qaynatilganlarini iste`mol qilishdan chekining. Kesishma zararlanishga yo`l qo`ymaslik uchun xom go`sht, sut bilan ehtiyotkor muomala qilish lozim. Sutni yaxshilab qaynating.
Infeksiyadan himoya vositasi sifatida og`iz va burun uchun mo`ljallangan tibbiy niqobni taqib yurish shartmi?
Ha. Sizda respirator infeksiya alomatlari kuzatilsa – yo`tal, nafas olishda qiynalish.
Ha. Respirator infeksiya alomatlariga ega bemorga qarayotgan bo`lsangiz.
Ha. Sog`liqni saqlash tizimi xodimi bo`lib, respirator infeksiya alomatlariga ega bemorlarni borib ko`rsangiz.
Yo`q. Respirator infeksiya alomatlariga ega bo`lmagan barcha holatlarda.
