Rossiya va Turkiya prezidentlari Vladimir Putin hamda Rajab Toyyib Erdo`g`an o`rtasida bo`lib o`tgan Sochidagi muzokaralar 4,5 soat davom etdi, deb xabar berdi TASS nashri.
Uning yakunida esa tomonlar bir xulosaga kelishgan. Putin uchrashuv natijalariga izoh berar ekan, Rossiya va Turkiya Suriyaning Idlib viloyatida qurollangan muxolifat va hukumat qo`shinlari to`qnashish chizig`i bo`ylab qurolsizlantirilgan hudud tashkil etishga kelishib olganini ma`lum qilgan. Hududni Turkiya qurolli kuchlari bo`linmalarining harakatchan patrul guruhlari va Rossiya harbiy polisiyasi nazorat qiladi.
