Sergelida ko`chada qoldirib ketilgan yangi tug`ilgan chaqaloqni topib olishdi. Bu haqda O`zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berdi.
Toshkent shahrining Sergeli tumanida 27 yanvar kuni soat 14:00 larda Lutfikor 4-tor ko`chasida yashovchi fuqaro, uyi oldiga yaqinlashganida sport sumkasiga solingan, yangi tug`ilgan jinsi o`g`il bolaga mansub bo`lgan chaqaloq topib olib IIBga xabar bergan.
Chaqaloq kasalxonaga yotqizilgan. Uning onasini aniqlash choralari ko`rilgan.
